第三章

收线前我仲有个问题，点解老爷要去JiNg神科嘅？」

    和:「今朝萧姑娘嚟过探阿爸阿妈，然後佢叫妈安排我同老爸去医院，佢好似话有封去JiNg神科嘅转介信会交嚟，就系咁。」

    咏恩:「哦？无端端？」

    和:「就系嗰次阿爸喺巴士上面自言自语件事，阿妈担心到讲咗个情况畀社工萧姑娘知道，佢咪帮我哋喺医生处申请咗转介罗。」

    咏恩:「咁我又唔觉老爷有咩JiNg神失常喎，老公，你觉得呢？」

    和:「今朝阿妈打电话嚟嘅时候，佢讲得好地地，然後突然阿爸抢咗个电话，你估喺电话度你老爷我阿爸同我讲咗啲咩？」

    咏恩:「叫你陪佢打乒乓波？」

    和:「唔系，佢同我讲……「你快啲返学校加紧练习喇，校运会要攞个奖返嚟为屋企增光呀!」……咁样，我谂阿爸当咗我仲系中学生。」

    咏恩:「老爷好挂住以前嘅事，我谂我哋唔好责备佢咁多，由得佢去写本喇。」

    和:「唉，以前有咩咁值得留恋？」

    这时，汉和的同事在员工休息室的门口说:「阿和，食饭未呀？我哋宜家同May姐一齐去饭堂，你行得未？」